Gautier, vous en irees a chiaus de Calais, et dires au chapitainne, monsigneur Jehan de Viane, que vous aves tant travilliet pour yaus, et ossi ont tout mi baron, que je me sui accordes a grant dur a ce que la plus grant grasce qu'il poront trouver ne avoir en moy, c'est que il se partent de le ville de Calais six des plus notables bourgeois, en purs les chies et tous, deschaus, les hars ou col, les cles de le ville et dou chastiel en leurs mains. Et de chiaus je ferai ma volonte, et le demorant je prenderai a merci.